تقريري عن رحلتي الى جورجيا انا مقيم بالسعودية
تقريري عن رحلتي الى جورجيا انا مقييم بالسعوديه خلصت الاجازة وعدنا الى ديارنا السعوديه وانتهت سفرتنا الاولى الى جورجيا كانت الرحله من تاريخ (١٦ سبتمبر الى ١ اكتوبر ) بالنسبه للاجراءات في المطار كانت معقدهشوي رغم انه كل اوراقي كانت موجوده وكامله طلبو منا التامين والخروج والعوده والاقامات الاصل والترجمه وحجوزات الطيران العودهوحجوزات الفنادق وسالونا كم معاكم كاش وبالرغم من كل هذا لكن جوازات مطار تبليسي كان فيها تعقيد مو طبيعي معانا قعدنا قرابةالنصف ساعه ودخلنا في سين وجيم معاهم الى ان اقناعهم كنا انا و والدتي واختي والحمدلله دخلنا بسلام ،
الرحلة كانت جداً ممتعة صراحة والدولة تستاهل الروحه انصح الكل فيها والله حلوه وراح تنبسطون بالاجواء هناك والطبيعه طبعا من لايشكرالناس لا يشكره الله كل الشكر لشركة توليب للسياحه وعلى رأسهم ( الاخت فرح والاخ ابو سما) على تنسيق الرحله من والى حجوزاتفنادق وفعاليات كما اخص بالشكر للاخ ابو سما انسان قمه في الاخلاق والتواضع والمواعيد م قصر معانا ابدا و ولا الله ثم هم م كانترحلتنا بكل هذا الجمال مجهود يشكر بكل صراحه وثقتنا فيهم كانت في محلها
اول شي رحنا (تبليسي) يومين سكنا في فندق ( اونيكس ) كان فندق نظيف وجميل واطلالته روعه وكان فيه شطاف
بالنسبه للاكل المطاعم كانت ممتازه واسعارهم مقبوله نوعا ما
الفعاليات في تبليسي : تلفريك والمنطاد ، وتمثال ام الجورجين، وفي جسر السلام عنده تأجير قوارب , بحيرة السلاحف ، بحيرة تبليسيوكذلك متاتسميندا بارك.
بعدها رحنا منتجع اباسادوري وقضينا فيه ليلتين المنتجع بصراحه كان رائع جدا جدا والغرف كانت نضيفه والاطلاله كانت اروع واروعبالنسبه للفعاليات ركبنا الدراجات وزرنا الاسطبل حق الاحصنه للاسف كنا بنجرب الشوتينغ لكن كان مقفل بالنسبه للاكل طبعا كلو مو حلاللكن اخذنا من عندهم بيتزا وكانت رائعه
بعدها رحنا ( غوداوري ) وقعدنا فيها يومين في الطريق وقفنا عند النهر واكلنا من الخروف الحلال وكان رائع جدا وبعدها زرنا بحيرةانانوري وركبنا القارب الي هناك وفي كنيسة ومناظر والاطلاله كانت تشرح الصدر ، سكنا في فندق ( غوداوري انن ) كان من افضلالفنادق صراحة اطلالة ولا بالخيال وهدوء واستجمام فعلاً وكان وفي “شطاف ” شامل الافطار
في اليوم الثاني زرنا اطلاله غوداوري وركبنا البراشوت وكانت تجربه لا تصدق وودي اجربها مره ثانيه 
بعدها اخذنا كشته واستمتعنابالمناظر الطبيعيه والجبال للاسف التلفريك كان مقفل وقتها م قدرنا نجربه
بعدها طلعنا (برجومي ) وقعدنا في كوخ لاندهاوس
ليلتين طبعا في برجومي جربنا الجوله بالسياره الكهربائيه دخلنا الغابه وكانت تجربه قمه في الجمال وزرنا الاطاله والحمامات الكبريتيهوالشلالات وركبنا الاحصنه كان يومي خرافي بصراحه ختمناه بالاكل من مطعم مرحبا الغني عن التعريف الاكل عندهم لذيذ ونظيف.
في اليوم الثاني رحنا على بوكرياني وركبنا تلفريك كرستال وطلعنا لاعلى القمه طبعا للاسف الزحليقه كانت مقفله للاسف م قدرنا نجربهابعدها زرنا الحديقه المركزيه
بعدها طلعنا على باتومي وجلسنا في منتجع دريم لاند قعدنا فيه ليله وحده كانت قمه في الجمال والاستجمام مع البحر والتمشيه كان جميلجدا وندمنا م اخذنا فيه اكثر ايام لانه كانت يستحق بكل صراحه الاكل نظيف والمنتجع بصفه عامه كان حيوي وجميل وراقي بكل م تحملهالكلمه من معنى واطلاله الغرفه م اقدر اوصف لكم كيف كانت جميله.
بعدها قضينا اربع ايام في باتومي في فندق ( نيو ويڤ) الفندق بصراحه كانت الغرفه شرحه مره وكبيره واطلالته ممتازه غير عن انه فطورهمكان ممتاز جدا ولذيذ
في باتومي بكل صراحه اول يومين كانت الاجواء حاره في النهار لكن في الليل الاجواء كانت رائعه جدا رحنا البوليفارد وجربنا البراشوتوطلعنا للكوفي الي عند برج الحروف وزرنا ميدان الاروبيين وتمشينا هناك بالنسبه للاكل اكلنا من مطعم اسطنوبل وكان لذيذ وجميل جدا
بعدها رحنا لالتقاء النهريين وزرنا شلالات ماخوساتي وركبنا الزبلاين بعدها حضرنا عرض الدلافين وكان ممتع جدا بعدها اكلنا من مطاعمالسمك وتقييمي لها ٩/١٠
في اليوم التالي زرنا حديقه النباتات وركبنا الزبلاين وكانت تجربه رائع بكل صراحه واكلنا من مطعم مولانا التركي وكان رائع وتقييمي له ٨/١٠
بعدها رجعنا على تبليسي وقضينا يومين في فندق اونيكس طبعا بسبب بعد المسافه رجعنا تعبانين الى الفندق اكلنا من مطعم سافرونالايراني مطعم بكل صراحه رائع رائع اكلهم نظيف ولذيذ وطريقة تقديمهم للاكل بصراحه تفوووز 
.
وكل الشكر لكل من عمل على هذا القروب وساعد فيه الناس كثيرا وبارك الله في جهودكم على ما تقومون به لتوعية القادمين الى جورجيابصراحه استفدنا منكم كثيرا وشكرا
