استخراج تأشيرة الفلبين من السفارة بالسعودية

اخي ماتروح عالسفاره اول شي بتعبي طلب الفيزا اونلاين على الموقع هاد visa.gov.ph
الطلب يلي رفعتو على الاون لاين بكون في اله رقم هني بيبعتولك اياه على الايميل نفس الرساله يلي وصلتك بpdf يلي بعتولك اياه بتعملو اعادة ارسال لهاد
الايميل visa.periyadh@gmail
بعد اسبوع تقريبا ل ١٠ ايام بيبعتولك ايميل بموعد حضورك لسفاره
وبدك تطلع صحيفة حلو سوابق ولحتى تطلع هي الوثيقه بدك خطاب من جهة العمل بالمسمى الوظيفي والراتب تبعك ولشو بدك هالخطاب بعد هيك بتطلع عالسفاره ليعطوك ورقه انه ماعليك شي وبتصدقها من وزارة الخارجية وبعدين بتحجز موعد عن طريق ابشر لحتى يعطوك صحيفه فيا معلوماتك وفيا بصماتك وبكون فيا كتابه بالعربي والانجليزي يعني مافي داعي ترجم الورقه انا استلمت الصحيفه من المركز الجنائي بالديره وطلعت على وزارة الخارجيه فورا بس قبل ماتروح لوزارة الخارجيه بتفوت على الموقع وبتحجز موعد انا عملتا وانا بالطريق وبتسدد الرسوم شي ٣٠ ريال هيك بتذكر
وبدك لتقديم الطلب جواز السفر
صور شخصيه
والخروج والعوده
كشف حساب بنكي لاخر ٣ شهور
وصوره من حجز الفندق
وصحيفة خلو السوابق المصدقه
وبس تروح عالسفاره رح بشيكو اذا عندك موعد يإما فترجيه الايميل تبعك او بتطبع الايميل متل مابدك
وبتدفع بالسفاره بعد مابتقدم وراقك بس خلي معك كاش لانه وقت رحت قالولي مابيتعاملو غير بالكاش بعدين بيعطوك موعد لحتى تجي تستلم الفيزا انا استلمتا بعد اسبوع

اول شي بياخد خطاب من جهة العمل فيها كل المعلومات عنه التعريف الوظيفي الراتب والغرض من الخطاب وبعدين بيطلع بهاد الخطاب لسفارة بلده بيعطوه ورقه انه ماعليه اي شي بيصدقها من وزارة الخارجيه وبعدين بيحجز على ابشر وبروح لحتى يستلم الصحيفه تبعته وبيرجع بيصدق الصحيفه يلي اخدها من المركز الجنائي من وزارة الخارجيه وهيك بتكون جاهزه واصلا فيها ترجمه مافي داعي حدى يترجمها ويقدمها بعدين لسفاره الفلبينيه مع المتطلبات التانيه ان شاء الله يكون تفسيري واضح واي سؤال انا بالخدمه

عفوا اخي بس تصحيح للمعلومه بعد مابيطلع على سفارة بلده وبياخد الورقه بصدقها من وزارة الداخليه يلي على طريق الملك عبدالله عفوا بالغلط كتبت الخارجيه وباقي الخطوات صحيحه