تقرير عن رحلتي دبي لعام 2018

تقرير عن رحلة دبي 2018/10/25

بسم الله
كانت الرحلة من الرياض على إلى دبي على الخطوط السعودية ( من حساب الاميال فرسان ) دفعت فقط قيمة الضريبة فقط

ستأجار السيارة :
وصلت مطار دبي بعد إنهاء إجراءات الدخول اول ما تطلع من الجمارك يجيك على يسار مكتب أجار السيارات اتجهت لمكتب الوفاق ( شركة سعودية ) أخذت سياره اقتصادية 4 ابواب نوع (سبارك) سعرها ب 100 ريال تامين ضد الغير وإذا تبي تامين شامل تزيد 25 ريال لكل يوم ( نصيحة خذ تامين شامل وريح بالك ) إذا كنت عندك عضوية يخصمون لك 10٪ ( قبل الاستئجار مر أي فرع وسجل عضوية )
طلع المجموع 135 درهم لليوم +50 درهم ضريبة المطار وتم أخذ وديعة 1000 درهم بعد 10 إيام عمل (رجعت خلال 6 أيام عمل )

نجي للسكن :
اول شي حددت ثلاث فنادق ثم اخترت شيراتون مول الامارات
بحثت في مواقع الحجوزات وقارنت بينها وبين مواقع الفنادق نفسها وكذلك شيكت على بعض المكاتب اللي اتعامل معهم حصلت اقل سعر عند مكتب الإجازة الذهبية حجزت ليلتين مع الإفطار شامل الضرايب بمبلغ 1140 ريال حصلته في بوكنق فوق 1600 وفي المسافر قريب من 1400 طبعا غير قابل للاسترداد في الجميع

الميزة اللي جعلتني اختار الشيراتون هو

• اتصاله بمول الامارات من خلال الدور الثاني
* الفندق بشكل عام نظيف
* ديكوره جميل
* الحمام مكشوف على الغرفة من خلال الزجاج ( في رايي تصلح للأزواج فقط )
* الإفطار لذيذ
* خدمة الغرف محترفين
العيوب :
•الاستقبال والبهو في الدور الخامس وصغير لا يناسب فتدق خمس نجوم
* أيضا اذا أردت ان تطلع من السوق إلى الغرفة لازم تغيير المصاعد
* عدد المصاعد قليل 4 فقط
* فيه مسبحين لكن احجامهم صغيرة:
انصح اللي يروح دبي اول مره يسكن في فندق ملاصق بمول الامارات او دبي مول رغم أني زرت دبي اكثر من خمسين مره الا ان هذي الزيارة لها مذاق مختلف ولأول مره اجرب اسكن بفندق متصل بالمول وفر علي الكثير من الوقت والجهد والحقيقة لها مذاق خاص

– نقاط مختلفة :
* استخدمت قوقل ماب في السيارة ممتاز
* احذر من تجاوز السرعة والمخالفات بشكل عام
* حتى تستفيد من وقتك وزع الأماكن اللي راح تزورها على الأيام بحيث يكون كل يوم أماكن قريبة من بعض
* استخدمت بطاقة السفر في الدفع رائعه
وأي سؤال عن التقرير حاضرين