ما هو أفضل بنك لسحب الأموال في جورجيا

للأسف جميع البنوك تأخذ عمولة من 25 الى 35 ريال سعودي لكل عملية سحب ، ركز لكل عملية سحب ، حاول أن تستخدم الفيزا في التسوق و المطاعم ، اذا اضطررت للكاش أسحب مبلغ يكفيك و قبل مغادرة جورجيا أستبدلها الى دولار .

و أفضل طريقة أخذ كاش مبلغ بالدولار من بلدك و أستخدامة لضرورة بتحويلها الى لاري

أفضل بطاقة مسبقة الدفع للسفر هي : فيزا المسافر من البنك السعودي للأستثمار

 من تجارب المسافرين ( أكثر الأسئلة تداولاَ ) :

بغيت اسال الحين كم احتاج اصرف لعملتهم ” لاري ” يعني تقريبا ل8 أيام من ناحية المطاعم و الأنشطة الترفيه ؟

اصرفو جميعكم ١٥٠٠ دولار وان شاء الله راح توفرون من المبلغ لان الان السياحة اقل من السابق والاسعار نزلت .. وليكون معكم دولارات إضافية لصرفها عند الحاجة من اقرب بنك او تبديل عملات .

استفسار بخصوص السحب من بطاقة الآهلي الان في باتومي كم اقصى حد اقد اسحبه وش افضل مكينه او بنك سحب مبلغ  ، وهل ع العملية يأخذون نسبه كبيره لأني مضطر اسحب؟

يا خذون ٢٨ ريال على كل عمليه سحب كاش بطاقه مدى .

لو سمحتوا اقدر اضيف عملة جورجيا على بطاقة سفر بلس؟ او وش العملة اللي تستخدمونها من البطاقة في الصرف داخل جورجيا .. من خلال مدى او السحب ؟

بطاقه بنك الاستثمار قالو انك تقدر تضيف العملات اما الراجحي محدد 5 عملات فقط من بينها الدولار ولا يوجد لاري .

يعني اقدر اضيف المبالغ اللي معي في بطاقة سفر بلبس بالدولار واستخدمه كذا عادي .. بالدولار والا افضل اسحبها دولار واحولها لاري ؟

اذا أنت تبي تدفع شبكه حطه في محفظة الدولار و اذا تبي تدفع كاش جيب معك دولار كاش و اذا وصلت جورجيا حوله لاري.

اقدر الاقي بنك بالقوقاز ؟ لاني اليوم بروح جبال القوقاز؟

اذا كازبيجي بتلاقين .

اللي استخدم فيزا يورباي هي تحتاج تحويل عمله ولا كيف ؟

نعم هي عبارة عن بطاقة لها رقم حساب تضيفه في قائمة المستفيدين للتحويل وتحول له من اي بنك في السعودية
لهم تطبيق وعملية اصدار البطاقة الإلكترونية ما تأخذ منك 5 دقائق
وتتفعل معك وفيها كاش باك 1%
والان فيها عرض 0% عمولة على العمليات الدولية حتى 8/15
استخدامها بسيط وسهل

حبيت استفسر عن أفضل محلات صرافة في تبليسي وباتومي ؟

ما يحتاج محل بعينه تلاقي كثير صرافين والأسعار بلوحات تشوفها وانت بالسيارة ما تنزل والسعر يتغير يوميا بس المشكلة الان ان الاري غالي قدام الدولار لكن فرقهم بسيط .
وإذا حصل وبدلت من بنك احسن بس يطلبون جواز وتصف سرا أحيانا بس المحلات على طول كنك تشتري جريدة .

 

انا اخذت معي دراهم من السعودية دولار وجيت هنا وحولتها والان نقصتني ، وش افضل طريقه اني اسحب من الڤيزا كاش مره وحده دولارات واحولها ولا اتعامل بالفيزا على كل عمليه ؟

تعامل بالفيزا اذا ما تحسب عليك رسوم .

بالنسبة للي يسأل عن سحب الكاش من بطاقة مدى لها اكثر من سلبيه
– سعر الصرف بيكون عالي.
– الرسوم على السحب بالخارج.
– حجز مبلغ مماثل للمبلغ المسحوب وأحياناً اكثر شوي من المبلغ ويفكون الحجز بعد أيام من عودتك.
وهذي اكثر ما يسويها بنك الراجحي
يعني لو سحبت مثلا ٥ الاف غالبا يسوي حجز لنفس المبلغ ويعلقه ما تتصرف فيه لين ترجع وبعدها بفتره يفكون الحجز.
واذا كان الرصيد فيه مثلا ٥ الاف وتبي تسحبها كلها يرفض العملية
بسبب الرسوم وسعر الصرف وعدم توفر رصيد يكفي لحجز المبلغ.
وفيه حالات يجمد الحساب احتياط عشان مايكون مسروق بطاقات صاحب الحساب..