مكاتب تأجير السيارات موجوده بالمطار وبشارع اسمه شارديني بوسط البلد السيارة الصغيرة السيدان من ٣٠ دولار الى ٤٠ دولار اذا لقيت بالمطار قريب من السعر انصحك خذ من المطار عشان توفر مشوار الذهاب والعودة وأيضا تفتك من موضوع الوقت اللي يتبقى من تسليم فندقك اخر يوم الى وقت الرحلة بحيث ما تضطر الجلوس بالمطار ٧ ساعات .
- المسارات نفس عندنا والأنظمة نفس عندنا.
- عندهم بنزين وديزل وغاز البنزين عنده ثقيل الجيد ما يخلص بسرعه ٥٠ لاري توديك القوقاز وترجعك وتجلس بعد يوم او بومين.
- الخطوط البيضاء بالطريق بين المسارين عباره عن رصيف اذا تبي تديور امش لين تشوف يجيك علامة الرجوع u .
- التزم بالحزام وانتبه لا تتعدى السرعة طريق تبليسي باتومي متروس سواهر بالصيف طبعا الان ما ادري .
- تقدر تستأجر بالرخصة السعودية ولكن الأفضل تطلع رخصه دوليه ب١٠٠ ريال يمكن يطلبوها منك اذا خالفت .
- رخصتك ويفضل يكون معك رخصه دوليه عشان لو مسكت على أي مخالفه يطلبوها منك وجوازك.
- تامين ٥٠ دولار انصحك ادفعه كاش عشان تسترجعه كاش .
- في حال أخذ مخالفة يمكن سدادها عبر البنك او الصراف الألي .
تجربة أحد المسافرين :
سافرت جورجيا مرتين
الأولى : استأجرت سيارة مع سائق
الثانية : استأجرت سيارة
تقريباً كل الخيارين اسعارهم متقاربة
وجهت نظري :
السائق : اريح لك اذا كان كويس
وان استأجرت سيارة فهو امتع لك
من أسأله المسافرين :
تنصحوني استأجر السيارة و هل التنقل بتكون بالقوقل سهله القوقاز هل اروح صد رد قريبه يعني وفيه هناك أماكن للشوي جاهزة ؟
اذا بتقصي رحلتك كلها بتبليسي لا تستأجر كل شيء حولك والتكسي ب١٠ لاري والتطبيقات الـ ٤ تجيك للفندق بأرخص الأسعار
اذا بتتنقل استأجر
قبل توصل غودواري تشوف جلسات على النهر يمينك يأجرك الجلسة ب٢٠ لاري اليوم كله لو تبي مع ان بكارفور صحن الشوي الجاهز صحن بشبك وفحم وشبّاب بس خذ ولاعه وهو يولع نفسه بنفسه بحدود ١٥ ريال
احذر الرعاة اللي على الشارع تراهم جورجيين بس حاطينهم ناس لا يخفوا على السائح ياخذوا الذبيحه منهم ب١٢٠ لاري ويقولوا لهم بنرسل لكم عرب بيعوهم ب٣٥٠ و ٥٠٠ عادي يقبلوا
عشان كذا انصحك تجنب اللي واقفين على الشوارع اما انك تأخذ لك من الملاحم او كارفور او تشوف الرعاه اللي بالجبال او داخل القرى تأخذ منهم
القوقاز لو رحت الصباح بدري يمديك ترجع بنفس اليوم ليلهم طويل الغروب الساعة ٩ بس حط ببالك اذا تبي ترجع لازم ترجع بدري قبل الغروب ب٣ ساعات اقل شيء الطريق بالليل موحش جدا
للعلم والكثير ما يركز على هالمعلومه تبليسي ضواحيها جميله جدا جدا وانت باتجاه ارمينيا وأذربيجان خاصه الأشهر القادمة مع كثرة الأمطار
بها خمس او ست مجمعات تجاريه أجملها جاليري مول وتبليسي مول رووووعه وإذا معك أطفال بيستانسوا
لا تضيع فلوسك بالمنتجعات وتنطلي عليك دعاية بعض السماسره ستجد في الطبيعة وعلى الأنهار اجمل وأروح وببلاش الا اذا وجدت نفس اللي بـ ببوكورياني ب١٧٠ ريال
يوجد بتبليسي باص سياحي ٣ ادوار ياخذ فيك لفه داخل المدينة ب٣٠ لاري
البلد جميله جدا جدا وبسيطة وغير مكلفه اذا تجنبت السمسار والمرشد والشركات السياحية
رحلتي باكر ان شاء الله تنصحوني استأجر سيارة ولا اخذ سواق انا ما حب اجلس في مكان واحد اكثر من يومين ؟
من خلال تجربه استأجر سيارة واستمتع بوقتك وخذ ديزل تنسى انك تعبي الا بعد خمسه أيام او هايبرد.
وهل تنصحوني استأجر من المطار ولا فيه مكان معين ؟
من المطار عشان توفر قيمة مشوار الذهاب و العودة اهم شيء تكون الأسعار بحدود ٤٠ دولار
مو لازم سيارة جيب ولا موديل حديث اللي الأماكن توصلها السيارات الصغيرة
هل اذا استأجرت سيارة اقدر اروح عليها لتركيا ؟
لا .. الا في حاله وحده يكون عندك إقامة في جورجيا .
مواضيع يجب زيارتها :
الحذر من شركات تأجير السيارات في جورجيا
